\engtitle{.. vishhNushhaTpadii   ..}##
 \itxtitle{.. vishhNushhaTpadii ..}##\endtitles 
#indian
           vishhNushhaTpadiistotraM
##
           vishhNushhaTpadiistotraM

##
avinayamapanaya vishhNo damaya manaH shamaya vishhayamR^igatR^ishhNaaM .
bhuutadayaaM vistaaraya taaraya sa.nsaarasaagarataH .. 1..

divyadhuniimakarande parimalaparibhogasachchidaanande .
shriipatipadaaravinde bhavabhayakhedachchhide vande .. 2..

satyapi bhedaapagame naatha tavaahaM na maamakiinastvaM .
saamudro hi taraN^gaH kvachana samudro na taraN^gaH .. 3..

uddhR^itanaga nagabhidanuja danujakulaamitra mitrashashidR^ishhTe .
dR^ishhTe bhavati prabhavati na bhavati kiM bhavatiraskaaraH .. 4..

matsyaadibhiravataarairavataaravataa.avataa sadaa vasudhaaM .
parameshvara paripaalyo bhavataa bhavataapabhiito.ahaM .. 5..

daamodara guNamandira sundaravadanaaravinda govinda .
bhavajaladhimathanamandara paramaM daramapanaya tvaM me .. 6..

naaraayaNa karuNaamaya sharaNaM karavaaNi taavakau charaNau .
iti shhaTpadii madiiye vadanasaroje sadaa vasatu .. 7..

          .. iti shriimad.h shaN^karaachaaryavirachitaM vishhNushhaTpadiistotraM saMpuurNam.h ..
##
 Send corrections to Sorin Suciu aka SeSe at sorins@hotmail.com.