\engtitle{.. shrii veN^kaTesha suprabhaatam   ..}##
 \itxtitle{.. shrii veN^kaTesha suprabhaatam ..}##\endtitles 
#indian  shrii veN^kaTesha suprabhaatam.h 

		    .. shriiH ..

   .. atha shrii veN^kaTesha suprabhaatam.h ..

kausalyaa suprajaa raama pUrvaa sandhyaa pravartate
uttishhTha narashaardUla kartavyaM daivamaahnikam.h ..  1

uttishhThottishhTha govinda uttishhTha garuDadhvaja
uttishhTha kamalaakaanta trailokyaM maN^galaM kuru .. 2

maatassamastajagataaM madhukaiTabhaareH
vakshovihaariNi manoharadivyamUrte .
shriisvaamini shritajanapriyadaanashiile
shriiveN^kaTeshadayite tava suprabhaatam.h .. 3

tava suprabhaatamaravindalochane
bhavatu prasannamukhachandramaNDale .
vidhishaN^karendravanitaabhirarchite
vR^ishhashailanaathadayite dayaanidhe .. 4

atryaadisaptaR^ishhayassamupaasya sandhyaaM
aakaashasindhukamalaani manoharaaNi .
aadaaya paadayugamarchayituM prapannaaH
sheshhaadrishekharavibho tava suprabhaatam.h .. 5

paJNchaananaabjabhavashhaNmukhavaasavaadyaaH
traivikramaadicharitaM vibudhaaH stuvanti .
bhaashhaapatiH paThati vaasara shuddhimaaraat.h
sheshhaadrishekharavibho tava suprabhaatam.h .. 6

iishhatpraphullasarasiiruhanaarikela
pUgadrumaadisumanoharapaalikaanaaM .
aavaati mandamanilassaha divyagandhaiH
sheshhaadrishekharavibho tava suprabhaatam.h .. 7

unmiilya netrayugamuttama pa.njarasthaaH
paatraavashishhTakadaliiphalapaayasaani .
bhuktvaa saliilamatha kelishukaaH paThanti
sheshhaadrishekharavibho tava suprabhaatam.h .. 8

tantriiprakarshhamadhurasvanayaa vipaJNchyaa
gaayatyananticharitaM tava naarado.api .
bhaashhaasamagramasakR^itkarachaararamyaM
sheshhaadrishekharavibho tava suprabhaatam.h .. 9

bhR^iN^gaavalii cha makarandarasaanuviddha
jhaN^kaaragiita ninadaiHsaha sevanaaya .
niryaatyupaantasarasiikamalodarebhyaH
sheshhaadrishekharavibho tava suprabhaatam.h .. 10

yoshhaagaNena varadadhnivimathyamaane
ghoshhaalayeshhu dadhimanthanatiivraghoshhaaH .
roshhaatkaliM vidadhatekakubhashcha kumbhaaH
sheshhaadrishekharavibho tava suprabhaatam.h .. 11

padmeshamitrashatapatragataalivargaaH
hartuM shriyaM kuvalayasya nijaaN^galakshmyaa .
bheriininaadamiva bibhrati tiivranaadaM
sheshhaadrishekharavibho tava suprabhaatam.h .. 12

shriimannabhiishhTa varadaakhilalokabandho
shriishriinivaasa jagadekadayaikasindho .
shriidevataagR^ihabhujaantara divya mUrte
shriiveN^kaTaachalapate tava suprabhaatam.h .. 13

shriisvaamipushhkariNikaa.a.aplavanirmalaaN^gaaH
shreyo.arthino haraviri.nchasanandanaadyaaH .
dvaare vasanti varavetrahatottamaaN^gaaH
shriiveN^kaTaachalapate tava suprabhaatam.h .. 14

shrii sheshhashaila garuDaachala veN^kaTaadri
naaraayaNaadri vR^ishhabhaadri vR^ishhaadri mukhyaam.h .
aakhyaam.h tvadiiya vasateranishaM vadanti
shriiveN^kaTaachalapate tava suprabhaatam.h .. 15

sevaaparaaH shivasureshakR^ishaanudharma
raksho.ambunaatha pavamaana dhanaadhinaathaaH .
baddhaa.njali pravilasannijashiirshha deshaaH
shriiveN^kaTaachalapate tava suprabhaatam.h .. 16

ghaaTiishhu te vihagaraaja mR^igaadhiraaja##-##
naagaadhiraaja gajaraaja hayaadhiraajaaH .
svasvaadhikaara mahimaadhikamarthayante
shriiveN^kaTaachalapate tava suprabhaatam.h .. 17

sUryendu bhauma budha vaakpati kaavya sauri
svarbhaanu ketu divishhatparishhatpradhaanaaH .
tvaddaasa daasa charamaavadhi daasadaasaaH
shriiveN^kaTaachalapate tava suprabhaatam.h .. 18

tvatpaadadhUli bharitasphuritottamaaN^gaaH
svargaapavarga nirapeksha nijaantaraN^gaaH .
kalpaagamaa.a.akalanayaa.a.akulataaM labhante
shriiveN^kaTaachalapate tava suprabhaatam.h .. 19

tvadgopuraagrashikharaaNi niriikshamaaNaaH
svargaapavargapadaviiM paramaaM shrayantaH .
martyaa manushhyabhuvane matimaashrayante
shriiveN^kaTaachalapate tava suprabhaatam.h .. 20

shriibhUminaayaka dayaadiguNaamR^itaabdhe
devaadhideva jagadekasharaNyamUrte .
shriimannananta garuDaadibhirarchitaaN^ghre
shriiveN^kaTaachalapate tava suprabhaatam.h .. 21

shriipadmanaabha purushhottama vaasudeva
vaikuNTha maadhava janaardana chakrapaaNe .
shriivatsachinha sharaNaagatapaarijaata
shriiveN^kaTaachalapate tava suprabhaatam.h .. 22

kandarpadarpa harasundara divyamUrte
kaantaakuchaamburuha kuTmala loladR^ishhTe .
kalyaaNanirmalaguNaakara divyakiirte
shriiveN^kaTaachalapate tava suprabhaatam.h .. 23

miinaakR^ite kamaTha kola nR^isi.nha varNin.h
svaamin.h parashvathatapodhana raamachandra .
sheshhaa.nsharaama yadunandana kalkirUpa
shriiveN^kaTaachalapate tava suprabhaatam.h .. 24

elaa lavaN^ga ghanasaara sugandhi tiirthaM
divyaM viyatsariti hemaghaTeshhu pUrNam.h .
dhR^itvaa.a.adya vaidika shikhaamaNayaH prahR^ishhTaaH
tishhThanti veN^kaTapate tava suprabhaatam.h .. 25

bhaasvaanudeti vikachaani saroruhaaNi
saMpUrayanti ninadaiH kakubho vihaN^gaaH .
shriivaishhNavaassatatamarthita maN^galaaste
dhaamaa.a.ashrayanti tava veN^kaTa suprabhaatam.h .. 26

brahmaadayaH suravaraassamaharshhayaste
santassanandana mukhaastvatha yogivaryaaH .
dhaamaantike tava hi maN^galavastu hastaaH
shriiveN^kaTaachalapate tava suprabhaatam.h .. 27

lakshmiinivaasa niravadyaguNaikasindho
saMsaara saagara samuttaraNaikaseto .
vedaantavedyanijavaibhava bhaktabhogya
shriiveN^kaTaachalapate tava suprabhaatam.h .. 28

itthaM vR^ishhaachalapateriha suprabhaatam.h
ye maanavaaH pratidinaM paThituM pravR^ittaaH .
teshhaaM prabhaatasamaye smR^itiraN^gabhaajaaM
praGYaaM paraarthasulabhaaM paramaaM prasUte .. 29

 .. iti veN^kaTesha suprabhaatam.h ..

 .. atha veN^kaTesha stotram.h ..

kamalaa kucha chUchuka kuN^kumato
niyataaruNitaatula niilatano .
kamalaayatalochana lokapate
vijayii bhava veN^kaTashailapate .. 1

sachaturmukhashhaNmukhapaJNchamukha
pramukhaakhiladaivatamaulimaNe .
sharaNaagatavatsala saaranidhe
paripaalaya maaM vR^ishhashailapate .. 2

ativelatayaa tava durvishhahaiH
anuvelakR^itairaparaadhashataiH .
bharitaM tvaritaM vR^ishhashailapate
parayaa kR^ipayaa paripaahi hare .. 3

adhiveN^kaTashailamudaaramate
janataabhimataadhikadaanarataat.h .
paradevatayaa gaditaannigamaiH
kamalaadayitaanna paraM kalaye .. 4

kalaveNuravaavashagopavadhU
shatakoTivR^itaatsmarakoTisamaat.h .
prativallavikaabhimataatsukhadaat.h
vasudevasutaanna paraM kalaye .. 5

abhiraamaguNaakara daasharathe
jagadekadhanurdhara dhiiramate .
raghunaayaka raama ramesha vibho
varadobhava deva dayaajaladhe .. 6

avaniitanayaakamaniiyakaraM
rajaniikarachaarumukhaamburuhaM .
rajaniichararaajatamomihiraM
mahaniiyamahaM raghuraama maye .. 7

sumukhaM suhR^idaM sulabhaM sukhadaM
svanujaM cha sukhaayamamoghasharaM .
apahaaya raghUdvahamanyamahaM
na kathaJNchana kaJNchana jaatu bhaje .. 8

vinaa veN^kaTeshaM na naatho naathaH
sadaa veN^kaTeshaM smaraami smaraami .
hare veN^kaTesha prasiida prasiida
priyaM veN^kaTesha prayachchha prayachchha .. 9

ahaM dUrataste padaambhojayugma
praNaamechchhayaa.a.agatya sevaaM karomi .
sakR^itsevayaa nityasevaaphalaM tvaM
prayachchha prayachchha prabho veN^kaTesha .. 10

aGYaaninaa mayaa doshhaan.h
asheshhaanvihitaan.h hare .
kshamasva tvaM kshamasva tvaM
sheshhashaila shikhaamaNe .. 11

  .. iti veN^kaTesha stotram.h ..

  .. atha veN^kaTesha prapatti ..

iishaanaaM jagato.asya veN^kaTapateH vishhNoH paraaM preyasiiM
tadvakshassthala nitya vaasarasikaaM tatkshaanti saMvardhiniiM .
padmaalaN^kR^itapaaNipallavayugaaM padmaasanasthaaM shriyaM
vaatsalyaadiguNojjvalaaM bhagavatiiM va.nde jaganmaataraM .. 1

shriiman.h kR^ipaajalanidhe kR^itasarvaloka
sarvaGYa shakta natavatsala sarvasheshhin.h .
svaamin.h sushiilasulabhaashritapaarijaata
shriiveN^kaTeshacharaNau sharaNaM prapadye .. 2

aanUpuraarpitasujaatasugandhipushhpa
saurabhyasaurabhakarau samasanniveshau .
saumyau sadaa.anubhavane.api navaanubhaavyau
shriiveN^kaTeshacharaNau sharaNaM prapadye .. 3

sadyovikaasisamuditvarasaandraraaga
saurabhyanirbharasaroruhasaamyavaartaaM .
samyakshu saahasapadeshhu vilekhayantau
shriiveN^kaTeshacharaNau sharaNaM prapadye .. 4

rekhaamayadhvajasudhaakalashaatapatra
vajraaN^kushaamburuhakalpakashaN^khachakraiH .
bhavyairalaN^kR^itatalau paratat.hva chinhaiH
shriiveN^kaTeshacharaNau sharaNaM prapadye .. 5

taamrodaradyutiparaajitapadmaraagau
baahyairmahobhirabhibhUtamahendraniilau .
udhyannakhaa.nshubhirudastashashaaN^kabhaasau
shriiveN^kaTeshacharaNau sharaNaM prapadye .. 6

sapremabhiiti kamalaakarapallavaabhyaaM
sa.nvaahane.api sapadi klamamaadadhaanau .
kaantaavavaaN^gmanasagocharasaukumaaryau
shriiveN^kaTeshacharaNau sharaNaM prapadye .. 7

lakshmiimahiitadanurUpanijaanubhaava
niilaadidivyamahishhiikarapallavaanaaM .
aaruNyasaN^kramaNataH kila saandraraagau
shriiveN^kaTeshacharaNau sharaNaM prapadye .. 8

nityaannamadvidhishivaadikiriiTakoTi
pratyupta diipta navaratna mahaHprarohaiH .
niiraajanaa vidhimudaaramupaadadhaanau
shriiveN^kaTesha charaNau sharaNaM prapadye .. 9

vishhNoH pade parama ityutidaprashaMsau
yau madhva utsa iti bhogyatayaa.apyapaattau .
bhUyastatheti tava paaNitalapradishhTau
shriiveN^kaTesha charaNau sharaNaM prapadye .. 10

paarthaaya tatsadR^isha saarathinaa tvayaiva
yau darshitau svacharaNau sharaNaM vrajeti .
bhUyo.api mahyamihatau karadarshitau te
shrii veN^kaTesha charaNau sharaNaM prapadye .. 11

manmUrdhni kaaliyaphaNe vikaTaaTaviishhu
shrii veN^kaTaadrishikhare shirasi shrutiinaaM ..
chitte.apyananyamanasaaM samamaahitaute
shriiveN^kaTesha charaNau sharaNaM prapadye .. 12

amlaanahR^ishhyadavaniitalakiirNapushhpau
shriiveN^kaTaadri shikharaabharaNaayamaanau .
aananditaakhila mano nayanau tavaitau
shriiveN^kaTesha charaNau sharaNaM prapadye .. 13

praayaH prapanna janataa prathamaavagaahyau
maatusstanaaviva shishoramR^itaayamaanau .
praaptauparasparatulaamatulaantarau te
shriiveN^kaTesha charaNau sharaNaM prapadye .. 14

satvottaraissatata sevyapadaambujena
sa.nsaarataarakadayaardra dR^iga.nchalena .
saumyopayantR^imuninaa mama darshitau te
shriiveN^kaTesha charaNau sharaNaM prapadye .. 15

shriisha shriyaa ghaTikayaa tvadupaayabhaave
praapye tvayi svayamupeyatayaasphurantyaa .
nityaashritaaya niravadyaguNaaya tubhyaM
syaaM kiN^karo vR^ishhagiriisha na jaatu mahyam.h .. 16

  .. iti veN^kaTesha prapatti ..

  .. atha veN^kaTesha maN^galaashaasanam.h ..

shriyaH kaantaaya kalyaaNa nidhaye nidhaye.arthinaaM
shriiveN^kaTanivaasaaya shriinivaasaaya maN^galam.h .. 1

lakshmii savibhramaaloka subhrU vibhramachakshushhe
chakshushhe sarvalokaanaaM veN^kaTeshaaya maN^galam.h .. 2

shrii veN^kaTaadri shR^iN^gaaN^gra maN^galaabharaNaaN^ghraye
maN^galaanaaM nivaasaaya veN^kaTeshaaya maN^galam.h .. 3

sarvaavayavasaundarya saMpadaa sarvachetasaaM
sadaa sammohanaayaastu veN^kaTeshaaya maN^galam.h .. 4

nityaaya niravadyaaya satyaanandachidaatmane
sarvaantaraatmane shriimad.h veN^kaTeshaaya maN^galam.h .. 5

svatassarvavide sarva shaktaye sarvasheshhiNe
sulabhaaya sushiilaayaa veN^kaTeshaaya maN^galam.h .. 6

parasmai brahmaNe pUrNakaamaaya paramaatmane
prayu.nje paratattvaaya veN^kaTeshaaya maN^galam.h .. 7

aakaala tattvamashraantaM aatmanaaM anupashyataaM
atR^iptyamR^itarUpaaya veN^kaTeshaaya maN^galam.h .. 8

praayassvacharaNau pu.nsaaM sharaNyatvena paaNinaa
kR^ipayaa.a.adishate shriimad.h veN^kaTeshaaya maN^galam.h .. 9

dayaamR^ita taraN^giNyaastaraN^gairiva shiitalaiH
apaa.ngaiH si.nchate vishvaM veN^kaTeshaaya maN^galam.h .. 10

sragbhUshhaambarahetiinaaM sushhamaavaha mUrtaye
sarvaarti shamanaayaastu veN^kaTeshaaya maN^galam.h .. 11

shriivaikuNThaviraktaaya svaamipushhkariNiitaTe
ramayaa ramamaaNaaya veN^kaTeshaaya maN^galam.h .. 12

shriimadsundarajaamaatR^imuni maanasavaasine
sarvaloka nivaasaaya shriinivaasaaya maN^galam.h .. 13

maN^galaashaasanaparairmadaachaarya purogamaiH
sarvaishcha pUrvairaachaaryaiH satkR^itaayaastu maN^galam.h .. 14

      .. iti veN^kaTesha maN^galaashaasanam.h ..

	      .. AUM tat.h sat.h ..
##