\engtitle{.. raaghavendra stotra   ..}##
 \itxtitle{.. raaghavendra stotra ..}##\endtitles 
#indian

shrIpUrNabodhagurutIrthapayobdhipArA kAmArimAxavishhamAxa shiraH spR^isha.ntI .
pUrvottarAmita taraN^ga charatsuha.nsA devAlisevita parA.nghri payojalagnA .. 1..

jIveshabhedaguNapUrtijagatsusattva nIchochchabhAvamukhanagragaNaiH sametA  .
durvAdyajApatigilairgururAghave.ndravAgdevatAsaridamuM vimalIkarotu .. 2..

shrIrAghave.ndraH sakalapradAtA svapAdaka.njadvayabhaktimadbhyaH  .
aghAdrisa.nbhedanadR^ishhTivajraH xamAsure.ndro.avatumAM sadA.ayam.h  .. 3..

shrIrAghave.ndroharipAdaka.njanishhevaNAllabdhasamastasa.npat.h  .
devasvabhAvo divijadrumo.ayaM ishhTaprado me satataM sa bhUyAt.h  .. 4..

bhavyasvarUpo bhavaduHkhatUla saN^ghAgnicharyaH sukhadhairyashAlI  .
samastadushhTagrahanigrahesho duratyayopaplavasi.ndhusetuH  .. 5..

nirastadoshho niravadyaveshhaH pratyarthimUkattvanidAnabhAshhaH  .
vidvatpariGYeya mahAvisheshho vAgvaikharInirjitabhavyasheshhaH  .. 6..

sa.ntAnasa.npatparishuddhabhakti viGYAnavAgdehasupATavAdIn.h  .
datvA sharIrottha samastadoshhAn.h hatvA sa no.avyAdgururAghave.ndraH  .. 7..

yatpAdodakasa.nchayaH suranadImukhyApagAsAditA
sa.nkhyAnuttamapuNyasaN^ghavilasatprakhyAtapuNyAvahaH  .
dustApatrayanAshano bhuvi mahA va.ndhyAsuputraprado
vyaN^gasvaN^gasamR^iddhido grahamahApApApahastaM shraye .. 8..

yatpAdaka.njarajasA paribhUshhitAN^gA yatpAdapadma madhupAyita mAnasA ye .
yatpAdapadma parikIrtanajIrNavAchastaddarshanaM duritakAnana dAvabhUtam.h  .. 9..

sarvata.ntrasvata.ntro.asau shrImadhvamatavardhanaH  .
vijayI.ndrakarAbjotthA sudhI.ndra varaputrakaH  .
shrIrAghave.ndro yatirAD.h gururme syAdbhayAvahaH  .. 10..

GYAnabhaktisuputrAyuH yashaH shrIpuNyavardhanaH  .
prativAdijayasvA.ntabhedachihnAdaro guruH  .
sarvavidyApravINo.anyo rAghave.ndrAnnavidyate .. 11..

aparoxIkR^itaH shrIshaH samupexitabhAvajaH  .
apexitapradAtA.anyo rAghave.ndrAnnavidyate  .. 12..

dayAdAxiNyavairAgya vAkpATavamukhA.nkitaH  .
shApAnugraha shakto.anyo rAghave.ndrAnnavidyate  .. 13..

aGYAnavismR^itibhrA.nti sa.nshayApasmR^itixayAH  .
ta.ndrAkaMpavachaH kauNTh.hyamukhA ye che.ndriyodbhavAH  .
doshhAste nAshamAyA.nti rAghave.ndraprasAdataH  .. 14..

OM shrI rAghave.ndrAya namaH ityashhTAxara ma.ntrataH  .
japitAdbhAvitAnnityaM ishhTArthAH syurnasaMshayaH  .. 15..

ha.ntu naH kAyajAn.h doshhAn.h AtmAtmIyasamudbhavAn.h  .
sarvAnapi pumarthAMshcha dadAtu gururAtmavit.h  .. 16..

iti kAlatraye nityaM prArthanAM yaH karoti saH  .
ihAmutrApta sarveshhTo modate nAtra saMshayaH  .. 17..

agamya mahimA loke rAghave.ndro mahAyashAH  .
shrImadhvamatadugdhAbdhi cha.ndro.avatu sadA.anaghaH  .. 18..

sarvayAtrA phalAvAptyairyathAshaktipradaxiNam.h  .
karomi tava siddhyasya vR^i.ndAvana gataM jalam.h  .
shirasA dhArayAmyadya sarvatIrthaphalAptaye  .. 19..

sarvAbhIshhTArthasiddhyarthaM namaskAraM karomyaham.h  .
tava saN^kIrtanaM vedashAstrArthaGYAnasiddhaye  .. 20..

sa.nsAre.axayasAgare prakR^itito.agAdhe sadA dustare .
sarvAvadyajalagrahairanupamaiH kAmAdibhaN^gAkule  .
nAnAvibhramadurbhrame.amitabhayastomAdiphenotkaTe  .
duHkhotkR^ishhTavishhe samuddhara guro mAM magnarUpaM sadA  .. 21..

rAghave.ndragurustotraM yaH paThedbhaktipUrvakam.h  .
tasya kushhThAdirogANAM nivR^ittistvarayA bhavet.h .. 22..

andho.api divyadR^ishhTiH syAdeDamUko.api vAkpatiH  .
pUrNAyuH pUrNasaMpattiH stotrasyAsya japAdbhavet.h  .. 23..

yaH pibejjalametena stotreNaivAbhima.ntritam.h  .
tasya kuxigatA doshhAH sarve nashhya.nti tatxaNAt.h  .. 24..

yad.hvR^i.ndAvanamAsAdya paN^guH kha.njo.api vA janaH  .
stotreNAnena yaH kuryAt.h pradaxiNa namaskR^itI  .
sa jaN^ghAlo bhavedeva gururAjaprasAdataH  .. 25..

somasUryo parAge cha pushhyArkAdisamAgame  .
yo.anuttamamidaM stotramashhTottarashataM japet.h  .
bhUtapretapishAchAdipIDA tasya na jAyate  .. 26..

etat.h stotraM samuchchArya gurorvR^indAvanA.ntike  .
dIpasaMyojanAGYAnaM putralAbho bhaveddhruvam.h  .. 27..

paravAdijayodivya GYAnabhaktyAdivardhanam.h  .
sarvAbhIshhTapravR^iddhiH syAnnAtra kAryA vichAraNA  .. 28..

rAjachoramahAvyAghrasarpanakrAdipIDanam.h  .
na jAyate.asya stotrasya prabhAvAnnAtra saMshayaH  .. 29..

yo bhaktyA gururAghave.ndra charaNadva.ndvaM smaran.h yaH paThet.h  .
stotraM divyamidaM sadA nahi bhavet.h tasyAsukhaM ki.nchana  .
kiM tvishhTArtha samR^iddhireva kamalAnAthaprasAdo dayAt.h  .
kIrtirdigviditA vibhUtiratulA sAxI hayAsyo.atra hi  .. 30..

iti shrI rAghave.ndrArya gururAjaprasAdataH  .
kR^itaM stotramidaM puNyaM shrImadbhirhyappaNAbhidaiH  .. 31..

          iti shrI appaNNAchAryavirachitaM
          shrIrAghave.ndrastotraM saMpUrNam.h

          .. bhAratIramaNamukhyaprANA.ntargata shrIkR^ishhNArpaNamastu ..

##