\engtitle{.. lalita5   ..}##
 \itxtitle{.. lalita5 ..}##\endtitles 
#indian
           ..  lalitaapaJNchakam.h ..

praataH smaraami lalitaavadanaaravindaM bimbaadharaM pR^ithulamauktikashobhinaasam.h  .
aakarNadiirghanayanaM maNikuNDalaaDhyaM mandasmitaM mR^igamadojjvalabhaaladesham.h  .. 1..

praatarbhajaami lalitaabhujakalpavalliiM ratnaa~NguLiiyalasada~NgulipallavaaDhyaam.h  .
maaNikyahemavalayaa~NgadashobhamaanaaM puNDrexuchaapakusumeShusR^iNiiHdadhaanaam.h  .. 2..

praatarnamaami lalitaacharaNaaravindaM bhakteShTadaananirataM bhavasindhupotam.h  .
padmaasanaadisuranaayakapuujaniiyaM padmaa~Nkushadhvajasudarshanalaa~nchhanaaDhyam.h  .. 3..

praataH stuve parashivaaM lalitaaM bhavaaniiM trayyantavedyavibhavaaM karuNaanavadyaam.h  .
vishvasya sR^iShTavilayasthitihetubhuutaaM vishveshvariiM nigamavaaN^gamanasaatiduuraam.h  .. 4..

praatarvadaami lalite tava puNyanaama kaameshvariiti kamaleti maheshvariiti  .
shriishaambhaviiti jagataaM jananii pareti vaagdevateti vachasaa tripureshvariiti  .. 5..

yaH shlokapaJNchakamidaM lalitaambikaayaaH saubhaagyadaM sulalitaM paThati prabhaate  .
tasmai dadaati lalitaa jhaTiti prasannaa vidyaaM shriyaM vimalasaukhyamanantakiirtim.h  .. 6..

          ..  iti shriimachChaN^karabhagavataH kR^itau lalitaa paJNchakam.h sampuurNam.h ..
##

Please send corrections to Kapila Shankaran(achintya@ican.net)
Last updated October 20 1998 for HTML version