\engtitle{.. shrii kR^ishhNajayantii nirNayaH   ..}##
 \itxtitle{.. shrii kR^ishhNajayantii nirNayaH ..}##\endtitles 
#indian
          shrI gurubhyo namaH hariH OM
           shrImadaanandatiirtha bhagavatpaadaachaarya virachitaH
           shrii kR^ishhNajayantii nirNayaH

rohiNyaa madhyaraatre tu yadaa kR^ishhNaashhTamii bhavet.h  .
jayantii naama saa proktaa sarvapaapapraNaashanii##(##naM##)##  .. 1..

yasyaaM jaato hariH saakShaanni shete bhagavaanajaH  .
tasmaattaddinamatyarthaM puNyaM paapaharaM shubhaparaM  .. 2..

tasmaatsarvairruposhyaa saa jayantii naama saa##(##vai##)## sadaa  .
dvijaatibhirvisheshheNa tadbhaktaishcha visheshhataH  .. 3..

yo bhuN^kte taddine mohaa##(##lobhaa##)##t.h puuyashoNitamatti saH  .
tasmaadupavaasennitya##(##puNya##)##M taddine##(##naM##)## shraddhayaanvitaH  .. 4..

kR^itvaa shauchaM yathaa nyaayaM snaanaM kuryaadata.ndritaH  .
prabhaata kaale kurviita yoogaayetyaadimantrataH  .. 5..

nityaahnikaM prakurviita bhagavantamanusmaran.h  .
madhyaahna kaale cha pumaan.h saaya~Nkaale tvatandritaH  .. 6..

snaayeta puurvamantreNa vaasudevamanusmaran.h  .
tataH puujaaM prakurveta vidhivatsusamaahitaH  .. 7..

yanaayeti cha mantreNa shraddhaabhaktiyutaH pumaan.h  .
kR^ishhNaM cha balabhadraM cha vasudevaM cha devakiiM  .. 8..

nandagopaM yashodaaJNcha subhadraaM tatra puujayet.h  .
##(##arghyaM datvaa samabhyachyaarbhyudhite shashimaNDale##)##  .
jaataH kaMsavadhaartaaya bhuubhaarotthaaraNaaya cha   .. 9..

kauravaanaaM vinaashaaya daityaanaaM nidhanaaya cha  .
paaNDavaanaaM hitaarthaaya dharmasaMsthaapanaaya cha   .. 10.

gR^ihaaNarghyaM mayaa dattaM devakyaa sahito hariH  .
arghyaM datvaasamabhyarchyaabhyudite shashimaNDale   .. 11..

kShiirodaarNavasambhuuta atrinetra samudbhavaH  .
gR^ihaaNarghyaM mayaa dattaM rohiNyaa sahitaH shashim.h  .. 12..

datvaarghyaM manunaanena upasthaaya vidhuM budhaH  .
shashine chandradevaaya somadevaaya chhendave  .. 13..

mR^igiNe shii##(##si##)##ta biMbaaya lokadiipaaya diipiNe  .
##(##rohiNiisaktachittaaya kanyaadaanapradaayine##)##
shiitadiiditibiMbaaya taarakaapataye namaH   .. 14..

upasamhR^itya tatsarvaM brahmachaarii jitendriyaH  .
vishvaayeti cha mantreNa tataH svaapaM samaacharet.h  .. 15..

tato nityaanhi kaM kR^itvaa shaktito diiyataaM dhanaM  .
sarvaayeti cha mantreNa tataH paaraNamaacharet.h  .
dharmaayeti tataH svastho muchyate sarvakilbishhaiH  .. 16..

          .. iti shriimadaanandatiirtha bhagavatpaadaachaarya virachitaM ..
          .. jayantii nirNayaH saMpuurNam.h ..

          bhAratIramaNamukhyaprANAntargata shrIkR^ishhNArpaNamastu
##
 Please send corrections to info@dvaita.org
 Last updated October 20 1998 for HTML version