\engtitle{.. dvaadasha stotra (maadhava)   ..}##
 \itxtitle{.. dvaadasha stotra (maadhava) ..}##\endtitles 
#indian

           .. dvAdasha stotrANi ..
##

           .. dvAdasha stotrANi ..

 Send corrections to Shrisha Rao shrao@nyx.net

##
          atha prathamaMstotram.h

va.nde va.ndyaM sadAna.ndaM vAsudevaM niraJNjanam.h .
i.ndirApatimAdyAdi varadesha varapradam.h .. 1..

namAmi nikhilAdhIsha kirITAghR^ishhTapIThavat.h .
hR^ittamaH shamane.arkAbhaM shrIpateH pAdapaN^kajam.h .. 2..

jAMbUnadAMbarAdhAraM nitaMbaM chi.ntyamIshituH .
svarNamaJNjIrasaMvItaM ArUDhaM jagadaMbayA .. 3..

udaraM chi.ntyaM Ishasya tanutve.api akhilaMbharaM .
valitrayA.nkitaM nityaM ArUDhaM shriyaikayA .. 4..

smaraNIyamuro vishhNoH indirAvAsamuttamam.h .
ana.ntaM a.ntavadiva bhujayora.ntaraN^gatam.h .. 5..

shaN^khachakragadApadmadharAshchi.ntyA harerbhujAH .
pInavR^ittA jagadraxA kevalodyogino.anisham.h .. 6..

sa.ntataM chi.ntayetkaNThaM bhAsvatkaustubhabhAsakam.h .
vaikuNThasyAkhilA vedA udgIrya.nte.anishaM yataH .. 7..

smareta yAminInAtha sahasrAmitakA.ntimat.h .
bhavatApApanodID.hyaM shrIpateH mukhapaN^kajam.h .. 8..

pUrNAnanyasukhodbhAsiM a.ndasmitamadhIshituH .
govi.ndasya sadA chi.ntyaM nityAna.ndapadapradam.h .. 9..

smarAmi bhavasa.ntApa hAnidAmR^itasAgaram.h .
pUrNAna.ndasya rAmasya sAnurAgAvalokanam.h .. 10..

dhyAyedajasramIshasya padmajAdipratIxitam.h .
bhrUbhaN^gaM pArameshhTh.hyAdi padadAyi vimuktidam.h .. 11..

sa.ntataM chintaye.ana.ntaM a.ntakAle visheshhataH .
naivodApuH gR^iNaM to.ataM yadguNAnAM ajAdayaH .. 12..

          iti shrImadAna.ndatIrthabhagavatpAdAchArya virachitaM
          dvAdashastotreshhu prathamaMstotraM saMpUrNam.h

\vspace.2in  \vspace.2in

          atha dvitIyaMstotram.h

svajanodadhisaMvR^iddhi pUrNacha.ndro guNArNavaH .
ama.ndAna.nda sA.ndro naH sadAvyAdi.ndirApatiH .. 1..

ramAchakorIvidhave dushhTadarpodavahnaye .
satpA.nthajanagehAya namo nArAyaNAya te .. 2..

chidachidbhedaM akhilaM vidhAyAdhAya bhuJNjate .
avyAkR^itagR^ihasthAya ramApraNayine namaH .. 3..

ama.ndaguNasAro.api ma.ndahAsena vIxitaH .
nityami.ndirayAna.nda sA.ndro yo naumi taM harim.h .. 4..

vashI vasho na kasyApi yo.ajito vijitAkhilaH .
sarvakartA na kriyate taM namAmi ramApatim.h .. 5..

aguNAyaguNodreka svarUpAyAdikAriNe .
vidAritArisaN^ghAya vAsudevAya te namaH .. 6..

AdidevAya devAnAM pataye sAditAraye .
anAdyaGYAnapArAya namaH pArAvarAshraya .. 7..

ajAya janayitre.asya vijitAkhiladAnava .
ajAdi pUjyapAdAya namaste garuDadhvaja .. 8..

i.ndirAma.ndasA.ndrAgrya kaTAxaprexitAtmane .
asmadishhTaika kAryAya pUrNAya haraye namaH .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu dvitIyaMstotraM saMpUrNam.h

\vspace.2in  \vspace.2in

          atha tR^itIyaMstotram.h

kuru bhuN^xva cha karma nijaM niyataM haripAdavinamradhiyA satataM .
harireva paro harireva guruH harireva jagatpitR^imAtR^igatiH .. 1..

natato.asya paraM jagadID.hyatamaM paramAtparataH purushhottamataH .
tadalaM bahulokavichi.ntanayA pravaNaM kuru mAnasamIshapade .. 2..

yatato.api hareH padasaMsmaraNe sakalaM hyaghamAshu layaM vrajati .
smaratastu vimukti padaM paramaM sphuTameshhyati tatkimapAkriyate .. 3..

shR^iNutAmalasatyavachaH paramaM shapatheritaM uchchhritabAhuyugaM .
na hareH paramo na hareH sadR^ishaH paramaH sa tu sarva chidAtmagaNAt.h .. 4..

yadi nAma paro na bhaveta hariH kathamasya vashe jagadetadabhUt.h .
yadi nAma na tasya vashe sakalaM kathameva tu nityasukhaM na bhavet.h .. 5..

na cha karmavimAmala kAlaguNaprabhR^itIshamachittanu taddhi yataH .
chidachittanu sarvamasau tu hariryamayediti vaidikamasti vachaH .. 6..

vyavahArabhidApi gurorjagatAM na tu chittagatA sa hi chodyaparaM .
bahavaH purushhAH purushhapravaro harirityavadatsvayameva hariH .. 7..

chaturAnana pUrvavimuktagaNA harimetya tu pUrvavadeva sadA .
niyatochchavinIchatayaiva nijAM sthitimApuriti sma paraM vachanaM .. 8..

Ana.ndatIrthasannAmnA pUrNapraGYAbhidhAyujA .
kR^itaM haryashhTakaM bhaktyA paThataH prIyate hariH .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu tR^itIyaMstotraM saMpUrNam.h

\vspace.2in  \vspace.2in

          atha chaturthaMstotram.h

nijapUrNasukhAmitabodhatanuH parashaktirana.ntaguNaH paramaH .
ajarAmaraNaH sakalArtiharaH kamalApatirID.hyatamo.avatu naH .. 1..

yadasuptigato.api hariH sukhavAn.h sukharUpiNamAhurato nigamAH .
sumatiprabhavaM jagadasya yataH parabodhatanuM cha tataH khapatim.h .. 2..

bahuchitrajagat.h bahudhAkaraNAtparashaktirana.ntaguNaH paramaH .
sukharUpamamushhyapadaM paramaM smaratastu bhavishhyati tatsatatam.h .. 3..

smaraNe hi pareshiturasya vibhormalinAni manAMsi kutaH karaNam.h .
vimalaM hi padaM paramaM svarataM karuNArkasavarNamajasya hareH .. 4..

vimalaiH shrutishANanishAtatamaiH sumano.asibhirAshu nihatya dR^iDham.h .
balinaM nijavairiNamAtmatamobhidamIshamana.ntamupeta harim.h .. 5..

na hi vishvasR^ijo vibhushaMbhupura.ndara sUryamukhAnaparAnaparAn.h .
sR^ijatID.hyatamo.apati ha.nti nijaM padamApayati praNatAM svadhiyA .. 6..

paramo.api rameshiturasya samo na hi kashchidabhUnna bhavishhyati cha .
kvachidadyatano.api na pUrNasadAgaNiteD.hyaguNAnubhavaikatanoH .. 7..

iti devavarasya hareH stavanaM kR^itavAn.h muniruttamamAdarataH .
sukhatIrthapadAbhihitaH paThatastadidaM bhavati dhruvamuchchasukham.h .. 8..

          iti shrImadAna.ndatIrthabhagavatpAdAchArya virachitaM
          dvAdashastotreshhu chaturthaMstotraM saMpUrNam.h

\vspace.2in  \vspace.2in

          atha paJNchamaMstotram.h

vAsudevAparimeyasudhAman.h shuddhasadodita su.ndarikA.nta .
dharAdharaNa vedhuradhartaH saudhR^itidIdhitivedhR^ividhAtaH .. 1..

adhikaba.ndhaM ra.ndhaya bodhA chchhindhividhAnaM ba.ndhuramaddhA .
keshava keshava shAsaka va.nde pAshadharArchita shUraparesha .. 2..

nArAyaNa amala kAraNa va.nde kAraNakAraNa pUrNa vareNya .
mAdhava mAdhava sAdhaka va.nde bAdhaka bodhaka shuddha samAdhe .. 3..

govi.nda govi.nda pura.ndara va.nde ska.nda sana.ndana vandita pAda .
vishhNu sR^ijishhNu grasishhNu viva.nde kR^ishhNa sadushhNa vadhishhNa sadhR^ishhNo .. 4..

madhusUdana dAnavasAdana va.nde daivatamodana vedita pAda .
trivikrama nishhkrama vikrama va.nde sukrama sa.nkramahu.nkR^itavaktra .. 5..

vAmana vAmana bhAmana va.nde sAmana sImana shAmana sAno .
shrIdhara shrIdhara shaMdhara va.nde bhUdhara vArdhara ka.ndharadhArin.h .. 6..

hR^ishhIkesha sukesha paresha viva.nde sharaNesha kalesha balesha sukhesha .
padmanAbha shubhodbhava va.nde saMbhR^italokabharAbhara bhUre .. 7..

dAmodara dUratarA.ntara va.nde dAritapAragapAra parasmAt.h .. 8..

Ana.ndasutIrtha munI.ndrakR^itA harigItiriyaM paramAdarataH .
paralokavilokana sUryanibhA haribhakti vivardhana shauNDatamA .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu paJNchamaMstotraM saMpUrNam.h

\vspace.2in  \vspace.2in

          atha shhashhThaMstotram.h

devakina.ndana na.ndakumAra vR^i.ndAvanAJNchana gokulacha.ndra .
ka.ndaphalAshana su.ndararUpa na.nditagokulava.nditapAda .. 1..

i.ndrasutAvaka na.ndakahasta cha.ndanacharchita su.ndarinAtha .
i.ndIvarodara daLanayana ma.ndaradhArin.h govi.nda va.nde .. 2..

cha.ndrashatAnana ku.ndasuhAsa na.nditadaivatAna.ndasupUrNa .
matsyakarUpa layodavihArin.h vedavinetra chaturmukha va.ndya .. 3..

kUrmasvarUpaka ma.ndaradhArin.h lokavidhAraka devavareNya .
sUkararUpaka dAnavashatro bhUmividhAraka yaGYavarAN^ga .. 4..

deva nR^isiMha hiraNyakashatro sarva bhayA.ntaka daivataba.ndho .
vAmana vAmana mANavaveshha daityakulA.ntaka kAraNarUpa .. 5..

rAma bhR^igUdvaha sUrjitadIpte xatrakulA.ntaka shaMbhuvareNya .
rAghava rAghava rAxasa shatro mArutivallabha jAnakikA.nta .. 6..

devakina.ndana su.ndararUpa rukmiNivallabha pANDavaba.ndho .
daityavimohana nityasukhAde devavibodhaka buddhasvarUpa .. 7..

dushhTakulA.ntaka kalkisvarUpa dharmavivardhana mUlayugAde .
nArAyaNAmalakAraNamUrte pUrNaguNArNava nityasubodha .. 8..

Ana.ndatIrthakR^itA harigAthA pApaharA shubhanityasukhArthA .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu shhashhThaMstotraM saMpUrNam.h

\vspace.2in  \vspace.2in

          atha saptamaMstotram.h

vishvasthitipraLayasargamahAvibhUti vR^ittiprakAshaniyamAvR^iti ba.ndhamoxAH .
yasyA apAN^galavamAtrata UrjitA sA shrIH yatkaTAxabalavatyajitaM namAmi .. 1..

brahmeshashakraravidharmashashAN^kapUrva gIrvANasa.ntatiriyaM yadapAN^galesham.h .
Ashritya vishvavijayaH vidadhAtyachi.ntyA shrIH yatkaTAxabalavatyajitaM namAmi .. 2..

dharmArthakAmasumatiprachayAdyasheshhasanmaN^galaM vidadhate yadapAN^galesham.h .
Ashritya tatpraNatasatpraNatA apID.hyA shrIH yatkaTAxabalavati ajitaM namAmi .. 3..

shhaDvarganigrahanirastasamastadoshhA dhyAya.nti vishhNumR^ishhayo yadapAN^galesham.h .
Ashritya yAnapi sametya na yAti duHkhaM shrIH yatkaTAxabalavati ajitaM namAmi .. 4..

sheshhAhivairishivashakramanupradhAna chitrorukarmarachanaM yadapAN^galesham.h .
Ashritya vishvamakhilaM vidadhAti dhAtA shrIH yatkaTAxabalavati ajitaM namAmi .. 5..

shakrogradIdhitihimAkarasUryasUnu pUrvaM nihatya nikhilaM yadapAN^galesham.h .
Ashritya nR^ityati shivaH prakaTorushaktiH shrIH yatkaTAxa balavati ajitaM namAmi .. 6..

tatpAdapaN^kajamahAsanatAmavApa sharvAdiva.ndyacharaNo yadapAN^galesham.h .
Ashritya nAgapatiH anyasurairdurApAM shrIH yatkaTAxabalavati ajitaM namAmi .. 7..

nAgArirugrabalapaurushha Apa vishhNuvAhatvamuttamajavo yadapAN^galesham.h .
Ashritya shakramukhadevagaNaiH achintyaM shrIH yatkaTAxa balavati ajitaM namAmi .. 8..

Ana.ndatIrthamunisanmukhapa.nkajotthaM sAxAdramAharimanaH priyaM uttamArtham.h .
bhaktyA paThati ajitamAtmani sannidhAya yaH stotrametabhiyAti tayorabhIshhTam.h .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu saptamaMstotraM saMpUrNam.h

\vspace.2in  \vspace.2in

          atha ashhTamaMstotram.h

va.nditAsheshhava.ndyoruvR^i.ndArakaM cha.ndanAcharchitodArapInAMsakam.h .
i.ndirAchaJNchalApAN^ganIrAjitaM ma.ndaroddhArivR^ittodbhujAbhoginam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 1..

sR^ishhTisaMhAralIlAvilAsAtataM pushhTashhADguNyasadvigrahollAsinam.h .
dushhTaniHsheshhasaMhArakarmodyataM hR^ishhTapushhTAtishishhTaprajAsaMshrayam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 2..

unnataprArthitAsheshhasaMsAdhakaM sannatAlaukikAna.ndadashrIpadam.h .
bhinnakarmAshrayaprANisaMprerakaM tanna kiM neti vidvatsu mImAmsakam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 3..

vipramukhyaiH sadA vedavAdonmukhaiH supratApaiH xitIsheshvaraishchArchitam.h .
apratarkyorusaMvidguNaM nirmalaM saprakAshAjarAna.ndarUpaM param.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 4..

atyayo yena kenApi na kvApi hi pratyayo yadguNeshhottamAnAM paraH .
satyasaN^kalpa eko vareNyo vashI matyanUnaiH sadA vedavAdoditaH .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 5..

pashyatAM duHkhasa.ntAnanirmUlanaM dR^ishyatAM dR^ishyatAmityajeshArthitam.h .
nashyatAM dUragaM sarvadApyAtmagaM pashyatAM svechchhayA sajjaneshhvAgatam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 6..

agrajaM yaH sasarjAjamagryAkR^itiM vigraho yasya sarve guNA eva hi .
ugra Adyo.api yasyAtyajAgryAtmajaH sadgR^ihItaH sadA yaH paraM daivatam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 7..

achyuto yo guNairnityamevAkhilaiH prachyuto.asheshhadoshhaiH sadA pUrtitaH .
uchyate sarvavedoruvAdairajaH svarchito brahmarudrendrapUrvaiH sadA .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 8..

dhAryate yena vishvaM sadAjAdikaM vAryate.asheshhaduHkhaM nijadhyAyinAm.h .
pAryate sarvamanyairnayatpAryate kAryate chAkhilaM sarvabhUtaiH sadA .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 9..

sarvapApAniyatsaMsmR^iteH saN^xayaM sarvadA yAnti bhaktyA vishuddhAtmanAm.h .
sharvagurvAdigIrvANa saMsthAnadaH kurvate karma yatprItaye sajjanAH .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 10..

axayaM karma yasmin.h pare svarpitaM praxayaM yAnti duHkhAni yannAmataH .
axaro yo.ajaraH sarvadaivAmR^itaH kuxigaM yasya vishvaM sadAjAdikam.h .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 11..

na.nditIrthorusannAmino na.ndinaH sa.ndadhAnAH sadAna.ndadeve matim.h .
ma.ndahAsAruNA pAN^gadattonnatiM va.nditAsheshhadevAdivR^i.ndaM sadA .
prINayAmo vAsudevaM devatAmaNDalAkhaNDamaNDanaM prINayAmo vAsudevam.h .. 12..

          iti shrImadAna.ndatIrthabhagavatpAdAchArya virachitaM
          dvAdashastotreshhu ashhTamaMstotraM saMpUrNam.h

\vspace.2in  \vspace.2in

          atha navamaMstotram.h

atimatatamogirisamitivibhedana pitAmahabhUtiha guNagaNanilaya .
shubhatama kathAshaya paramasadodita jagadekakAraNa rAmaramAramaNa .. 1..

vidhibhavamukhasurasatatasuva.nditaramAmanUvallabha bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 2..

agaNitaguNagaNamayasharIra he vigataguNetara bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 3..

aparimitasukhanidhivimalasudeha he vigata sukhetara bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 4..

prachalitalayajalaviharaNa shAshvatasukhamayamIna he bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 5..

suraditijasubalaviruLitama.ndaradhara para kUrma he bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 6..

sagirivaradharAtaLavaha susUkaraparamavibodha he bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 7..

atibaladitisuta hR^idaya vibhedana jayanR^ihare.amala bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 8..

balimukhaditisutavijayavinAshana jagadavanAjita bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 9..

avijitakunR^ipatisamitivikhaNDana ramAvara vIrapa bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 10..

kharataranishicharadahana parAmR^ita raghuvara mAnada bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 11..

sulalitatanuvara varada mahAbala yaduvara pArthapa bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 12..

ditisutavimohana vimalavibodhana paraguNabuddha he bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 13..

kalimalahutavaha subhaga mahotsava sharaNada kalkIsha bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 14..

akhilajanivilaya parasukhakAraNa parapurushhottama bhava mama sharaNam.h .
shubhatama kathAshaya paramasadodita jagadekakAraNa rAmaramAramaNa .. 15..

iti tava nutivarasatataraterbhava susharaNamurusukhatIrthamuneH bhagavan.h .
shubhatama kathAshaya paramasadodita jagadekakAraNa rAmaramAramaNa .. 16..

          iti shrImadAna.ndatIrthabhagavatpAdAchArya virachitaM
          dvAdashastotreshhu navamaMstotraM saMpUrNam.h

\vspace.2in  \vspace.2in

          atha dashamaMstotram.h

ava naH shrIpatirapratiradhikeshAdibhavAde .
karuNApUrNavarapradacharitaM GYApaya me te .. 1..

surava.ndyAdhipa sadvarabharitAsheshhaguNAlam.h .
karuNApUrNavarapradacharitaM GYApaya me te .. 2..

sakaladhvA.ntavinAshaka paramAna.ndasudhAho .
karuNApUrNavarapradacharitaM GYApaya me te .. 3..

trijagatpota sadArjitasharaNAshApatidhAto .
karuNApUrNavarapradacharitaM GYApaya me te .. 4..

triguNAtItavidhAraka parito dehi subhaktim.h .
karuNApUrNavarapradacharitaM GYApaya me te .. 5..

sharaNaM kAraNabhAvana bhava me tAta sadA.alam.h .
karuNApUrNavarapradacharitaM GYApaya me te .. 6..

maraNaprANada pAlaka jagadIshAva subhaktim.h .
karuNApUrNavarapradacharitaM GYApaya me te .. 7..

taruNAdityasavarNakacharaNAbjAmala kIrte .
karuNApUrNavarapradacharitaM GYApaya me te .. 8..

salilaprotthasarAgakamaNivarNochchanakhAde .
karuNApUrNavarapradacharitaM GYApaya me te .. 9..

khajatUNInibhapAvanavarajaN^ghAmitashakte .
karuNApUrNavarapradacharitaM GYApaya me te .. 10..

ibahastaprabhashobhanaparamorasthalamAle .
karuNApUrNavarapradacharitaM GYApaya me te .. 11..

asanotphullasupushhpakasamavarNAvaraNA.nte .
karuNApUrNavarapradacharitaM GYApaya me te .. 12..

shatamedodbhavasu.ndara varapadmotthitanAbhe .
karuNApUrNavarapradacharitaM GYApaya me te .. 13..

jagadAgUhakapallavasamakuxe sharaNAde .
karuNApUrNavarapradacharitaM GYApaya me te .. 14..

jagadaMbAmalasu.ndaragR^ihavaxovara yogin.h .
karuNApUrNavarapradacharitaM GYApaya me te .. 15..

ditijA.ntaprada chakradharagadAyugvarabAho .
karuNApUrNavarapradacharitaM GYApaya me te .. 16..

paramaGYAnamahAnidhivadana shrIramaNe.ndo .
karuNApUrNavarapradacharitaM GYApaya me te .. 17..

nikhilAghaughavinAshana parasaukhyapradadR^ishhTe .
karuNApUrNavarapradacharitaM GYApaya me te .. 18..

paramAna.ndasutIrthamunirAjo harigAthAm.h .
kR^itavAnnityasupUrNaparamAna.ndapadaishhin.h .. 19..

          iti shrImadAna.ndatIrthabhagavatpAdAchArya virachitaM
          dvAdashastotreshhu dashamaMstotraM saMpUrNam.h

\vspace.2in  \vspace.2in

          atha ekAdashaM stotram.h

udIrNamajaraM divyaM amR^itasya.ndyadhIshituH .
Ana.ndasya padaM vande brahmendrAdi abhiva.nditam.h .. 1..

sarvavedapadodgItaM i.ndirAvAsamuttamam.h .
Ana.ndasya padaM vande brahmendrAdi abhiva.nditam.h .. 2..

sarvadevAdidevasya vidAritamahattamaH .
Ana.ndasya padaM vande brahmendrAdi abhiva.nditam.h .. 3..

udAramAdarAnnityaM ani.ndyaM su.ndarIpateH .
Ana.ndasya padaM vande brahmendrAdi abhiva.nditam.h .. 4..

i.ndIvarodaranibhaM supUrNaM vAdimohanam.h .
Ana.ndasya padaM vande brahmendrAdi abhiva.nditam.h .. 5..

dAtR^isarvAmaraishvaryavimuktyAderaho param.h .
Ana.ndasya padaM vande brahmendrAdi abhiva.nditam.h .. 6..

dUrAddurataraM yattu tadevAntikamantikAt.h .
Ana.ndasya padaM vande brahmendrAdi abhiva.nditam.h .. 7..

pUrNasarvaguNairkArNamanAdya.ntaM sureshituH .
Ana.ndasya padaM vande brahmendrAdi abhiva.nditam.h .. 8..

Ana.ndatIrthamuninA harerAna.ndarUpiNaH .
kR^itaM stotramidaM puNyaM paThannAna.ndamApnuyAt.h .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu ekAdashaM stotraM saMpUrNam.h

\vspace.2in  \vspace.2in

          atha dvAdashaM stotram.h

Ana.ndamukunda aravindanayana .
Ana.ndatIrtha parAna.ndavarada .. 1..

su.ndarIma.ndiragovi.nda vande .
Ana.ndatIrtha parAna.ndavarada .. 2..

chandrasurendrasuvandita vande .
Ana.ndatIrtha parAna.ndavarada .. 3..

chandrakama.ndirana.ndaka vande .
Ana.ndatIrtha parAna.ndavarada .. 4..

vR^i.ndArakavR^i.ndasuva.ndita vande .
Ana.ndatIrtha parAna.ndavarada .. 5..

ma.ndArasUnasucharchita vande .
Ana.ndatIrtha parAna.ndavarada .. 6..

i.ndirA.ana.ndaka su.ndara vande .
Ana.ndatIrtha parAna.ndavarada .. 7..

ma.ndirasya.ndanasya.ndaka vande .
Ana.ndatIrtha parAna.ndavarada .. 8..

Ana.ndachandrikAsya.ndaka vande .
Ana.ndatIrtha parAna.ndavarada .. 9..

          iti shrImadAna.ndatIrthabhagavatpAdAchArya virachitaM
          dvAdashastotreshhu dvAdashaM stotraM saMpUrNam.h

          .. bhAratIramaNamukhyaprANA.ntargata shrIkR^ishhNArpaNamastu ..
##