\engtitle{.. durga7   ..}##
 \itxtitle{.. durga7 ..}##\endtitles 
#indian
           .. shriidurgaasaptashlokii ..

OM asya shriidurgaasaptashlokiistotramahaamantrasya
naaraayaNa R^iShiH . anuShTupaadiini Chandaa.nsi .
shriimahaakaaliimahaalaxmiimahaasarasvatyo devataaH .
shrii jagadambaapriityarthe paaThe viniyogaH ..

GYaaninaamapi chetaa.nsi devii bhagavatii hi saa  .
balaadaakR^iShya mohaaya mahaamaayaa prayachChati  .. 1..

durge smR^itaa harasi bhiitimasheShajantoH
        svasthaiH smR^itaa matimatiiva shubhaaM dadaasi  .
daaridryaduHkhabhayahaariNi kaa tvadanyaa
        sarvopakaarakaraNaaya sadaardra chittaa  .. 2..

sarva ma.ngala maa.ngalye shive sarvaartha saadhike  .
sharaNye tryambake gauri naaraayaNi namo.astu te  .. 3..

sharaNaagatadiinaartaparitraaNaparaayaNe  .
sarvasyaartihare devi naaraayaNi namo.astu te  .. 4..

sarvasvaruupe sarveshe sarvashakti samanvite  .
bhayebhyastraahi no devii durge devii namo.astu te  .. 5..

rogaanasheShaanapaha.nsi tuShTaa ruShTaa tu kaamaan.h sakalaanabhiiShTaan.h  .
tvaamaashritaanaaM na vipannaraaNaaM tvaamaashritaa hyaashrayataaM prayaanti  .. 6..

sarvaabaadhaaprashamanaM trailokyasyaakhileshvari  .
evameva tvayaa kaaryamasmadvairi vinaashanam.h  .. 7..

          .. iti durgaasaptashlokii ..
##

Please send corrections to Kapila Shankaran (achintya@ican.net)
Last updated October 20 1998 for HTML version