\engtitle{.. devi navaratnamaalikaa   ..}##
 \itxtitle{.. devi navaratnamaalikaa ..}##\endtitles 
#indian
          .. shrii shaN^karaachaaryakR^ita devii navaratnamaalikaa stotram.h ..

haaranuupura kiriiTa kuNDala vibhuuShitaavayava shobhiniiM
     kaaraNeshavara mauli koTi pari kalpyamaana pada piiThikaam.h  .
kaalakaalaphaNi paashabaaNadhanu raN^kushaamaruNamekhalaaM
     phaalabhuu tilaka lochanaaM manasi bhaavayaami paradevataam.h  .. 1..

gandhasaara ghanasaara chaarunava naagavallirasavaasiniiM
     saandhyaraaga madhuraadharaabharaNa sundaraanana shuchismitaam.h  .
mantharaayata vilochanaa mamala baalachandra kR^ita shekhariiM
     indiraa ramaNa sodariiM manasi bhaavayaami paradevataam.h  .. 2..

smerachaarumukha manNDalaaM vimalagaNDa lambimaNi maNDalaaM
     haaradaamapari shobhamaanakucha bhaara bhiiru tanu madhyamaam.h  .
viiragarvahara nuupuraaM vividha kaaraNesha varapiiThikaaM
     maaravairisahachaariNiiM manasi bhaavayaami paradevataam.h  .. 3..

bhuuri bhaaradhara kuNDaliindramaNi baddha bhuuvalaya piiThikaaM
     vaariraashimaNi mekhalaavalaya vahni maNDala shariiriNiim.h .
vaarisaaravaha kuNDalaaM gaganashekhariiM cha paramaatmikaaM
     chaaru chandra ravi lochanaaM manasi bhaavayaami paradevataam.h  .. 4..

kuNDala trividha koNa maNDala vihaara ShaDdala samullasat.h
     puNDariika mukha bhediniiM taruNa chaNDa bhaanu taDidujjvalaam.h  .
maNDalendu parivaahitaamR^ita tara.ngiNii maruNaruupiNiiM
     maNDalaantamaNi diipikaaM manasi bhaavayaami paradevataam.h  .. 5..

vaaraNaanana mayuuravaahamukha daahavaaraNa payodharaaM
     chaaraNaadi sura sundarii chikura shekhariikR^ita padaambujaam.h  .
kaaraNaadhipati pa.nchaka prakR^iti kaaraNa prathama maatR^ikaaM
     vaaraNaantamukha paaraNaaM manasi bhaavayaami paradevataam.h  .. 6..

padmakaantipada paaNipallava payodharaanana saroruhaaM
     padmaraagamaNi mekhalaavalaya niivi shobhita nitambiniim.h  .
padmasambhava sadaashivaantamaya paJNcharatnapada piiThikaaM
     padminiiM praNavaruupiNiiM manasi bhaavayaami paradevataam.h  .. 7..

aagama praNava piiThikaa mamala varNa ma.ngala shariiriNiiM
     aagamaavayava shobhiniimakhila devasaarakR^ita shekhariim.h  .
muulama.ntra mukha maNDalaaM mudita naadabindu navayauvanaaM
     maatR^ikaaM tripurasundariiM manasi bhaavayaami paradevataam.h  .. 8..

kaalikaatimira kuntalaanta ghana bhR^i.nga ma.ngala viraajiniiM
     chuulikaa shikhara maalikaavalaya mallikaasurabhi saurabhaam.h  .
baalikaa madhura gaNDa maNDala manoharaanana saroruhaaM
     kaalikaamakhilanaayikaaM manasi bhaavayaami paradevataam.h  .. 9..

nityameva niyamena jalpataaM bhukti mukti phaladaamabhiiShTadaam.h  .
sha.nkareNa rachitaaM sadaa japennamaratna vara ratnamaalikaam.h  .. 10..

          .. iti shriisha.nkarabhagataH kR^itau navaratnamaalikaastotraM sampuurNam.h ..
##

Please send corrections to Kapila Shankaran(achintya@ican.net)
Last updated October 20 1998 for HTML version