\engtitle{.. devi aparaadha kshamaapana stotra   ..}##
 \itxtitle{.. devi aparaadha kshamaapana stotra ..}##\endtitles 
#indian

          .. atha devyaparaadhakshamaapanastotram.h ..

     na mantra.n no yantra.n tadapi cha na jaane stutimaho
na chaahvaana.n dhyaana.n tadapi cha na jaane stutikathaaH .
     na jaane mudraaste tadapi cha na jaane vilapana.n
para.n jaane maatastvadanusaraNa.n kleshaharaNam.h .. 1..

     vidheraGYaanena draviNaviraheNaalasatayaa
vidheyaashakyatvaattava charaNayoryaa chyutirabhuut.h .
     tadetat.h kshantavya.n janani sakaloddhaariNi shive
kuputro jaayeta kvachidapi kumaataa na bhavati .. 2..

     pR^ithivyaa.n putraaste janani bahavaH santi saralaaH
para.n teshhaa.n madhye viralataralo.aha.n tava sutaH .
     madiiyo.aya.n tyaagaH samuchitamida.n no tava shive
kuputro jaayeta kvachidapi kumaataa na bhavati .. 3..

     jaganmaatarmaatastava charaNasevaa na rachitaa
na vaa datta.n devi draviNamapi bhuuyastava mayaa .
     tathaapi tva.n sneha.n mayi nirupama.n yatprakurushhe
kuputro jaayeta kvachidapi kumaataa na bhavati .. 4..

     parityaktaa devaa vividhavidhasevaakulatayaa
mayaa paJNchaa shiiteradhikamapaniite tu vayasi .
     idaanii.n chenmaatastava yadi kR^ipaa naapi bhavitaa
niraalambo lambodarajanani ka.n yaami sharaNam.h .. 5..

     shvapaako jalpaako bhavati madhupaakopamagiraa
niraataN^ko raN^ko viharati chira.n koTikanakaiH .
     tavaaparNe karNe vishati manu varNe phalamida.n
janaH ko jaaniite janani jananiiya.n japavidhau .. 6..

     chitaabhasmaalepo garalamashana.n dikpaTadharo
jaTaadhaarii kaNThe bhujagapatihaarii pashupatiH .
     kapaalii bhuutesho bhajati jagadiishaikapadavii.n
bhavaani tvatpaaNigrahaNaparipaaTiiphalamidam.h .. 7..

     na mokshasyaakaa.nkshaa bhavavibhavavaaJNchhaapi cha na me
na viGYaanaapekshaa shashimukhi sukhechchhaapi na punaH .
     atastvaa.n sa.nyaache janani janana.n yaatu mama vai
mR^iDaanii rudraaNii shiva shiva bhavaaniiti japataH .. 8..

     naaraadhitaasi vidhinaa vividhopachaaraiH
ki.n rukshachintanaparairna kR^ita.n vachobhiH .
     shyaame tvameva yadi kiJNchana mayyanaathe
dhatse kR^ipaamuchitamamba para.n tavaiva .. 9..

     aapatsu magnaH smaraNa.n tvadiiya.n
karomi durge karuNaarNaveshi .
     naitachchhaThatva.n mama bhaavayethaaH
kshudhaatR^ishhaartaa jananii.n smaranti .. 10..

     jagadamba vichitra matra ki.n
paripuurNaa karuNaasti chenmayi .
     aparaadhaparamparaapara.n
na hi maataa samupekshate sutam.h .. 11..

matsamaH paatakii naasti paapaghnii tvatsamaa na hi .
eva.n GYaatvaa mahaadevi yathaayogya.n tathaa kuru .. 12.. AUM ..
##