\engtitle{.. shrii gaNapatyatharvashiirshha   ..}##
 \itxtitle{.. shrii gaNapatyatharvashiirshha ..}##\endtitles 
#indian
          .. shrii gaNapatyatharvashiirshha ..
##
Shri Ganapati Atharvashirsha occurs in the atharva veda . It is considered
to be most important text on Lord Ganesha . Atharva means firmness, oneness
of purpose, while shiirshha means intellect (directed towards liberation).
May Ganapati, the remover of obstacles protect us . Aum . Aum . Aum.

Several translations of the text are available.

1- Ganapatyatharvasirsopanisad by Sukthankar.
2- Ganapati : Song of the Self by Grimes
3- Saiva upanisads translated by Srinivas Ayyangar
4- Aum Ganesha : The peace of God by Navaratnam
5- Ganesha : Lord of Obstacles, Lord of Beginnings by Courtright
6- Glory of Ganesha by Swami Chinmayananda
7- Ganesha Kosha by Rao.

##
		.. shaanti paaTha ..

AUM bhadraM karNebhiH shR^iNuyaama devaaH .
bhadraM pashyemaakshabhiryajatraaH ..
sthirairaN^gaistushhTuvaa.nsastanuubhiH .
vyashema devahitaM yadaayuH ..

AUM svasti na indro vR^iddhashravaaH .
svasti naH puushhaa vishvavedaaH ..
svastinastaarkshyo arishhTanemiH .
svastino bR^ihaspatirdadhaatu ..

AUM tanmaamavatu
tad.h vaktaaramavatu
avatu maam.h
avatu vaktaaram.h

AUM shaa.ntiH .  shaa.ntiH .. shaa.ntiH...

		.. upanishhat.h ..

hariH AUM namaste gaNapataye ..
tvameva pratyakshaM tattvamasi .. tvameva kevalaM kartaa.asi ..
tvameva kevalaM dhartaa.asi .. tvameva kevalaM hartaa.asi ..
tvameva sarva.n khalvidaM brahmaasi ..
tvaM saakshaadaatmaa.asi nityam.h .. 1..

               .. svaruupa tattva ..

R^ItaM vachmi ##(##vadishhyaami##)## .. satyaM vachmi ##(##vadishhyaami##)## .. 2..

ava tvaM maam.h .. ava vaktaaram.h .. ava shrotaaram.h ..
ava daataaram.h .. ava dhaataaram.h ..
avaanuuchaanamava shishhyam.h ..
ava pashchaattaat.h .. ava purastaat.h ..
avottaraattaat.h .. ava dakshiNaattaat.h ..
ava chordhvaattaat.h .. avaadharaattaat.h ..
sarvato maaM paahi paahi sama.ntaat.h .. 3..

tvaM vaaN^gmayastvaM chinmayaH ..
tvamaana.ndamayastvaM brahmamayaH ..
tvaM sachchidaana.ndaadvitiiyo.asi ..
tvaM pratyakshaM brahmaasi ..
tvaM GYaanamayo viGYaanamayo.asi .. 4..

sarvaM jagadidaM tvatto jaayate ..
sarvaM jagadidaM tvattastishhThati ..
sarvaM jagadidaM tvayi layameshhyati ..
sarvaM jagadidaM tvayi pratyeti ..
tvaM bhuumiraapo.analo.anilo nabhaH ..
tvaM chatvaari vaakpadaani .. 5..

tvaM guNatrayaatiitaH tvamavasthaatrayaatiitaH ..
tvaM dehatrayaatiitaH .. tvaM kaalatrayaatiitaH ..
tvaM muulaadhaaraH sthitho.asi nityam.h ..
tvaM shaktitrayaatmakaH ..
tvaaM yogino dhyaaya.nti nityam.h ..
tvaM brahmaa tvaM vishhNustvaM rudrastvaM
indrastvaM agnistvaM vaayustvaM suuryastvaM cha.ndramaastvaM
brahmabhuurbhuvaHsvarom.h .. 6..

               .. gaNesha ma.ntra ..

gaNaadiiM puurvamuchchaarya varNaadii.n tadana.ntaram.h ..
anusvaaraH parataraH .. ardhendulasitam.h .. taareNa R^iddham.h ..
etattava manusvaruupam.h .. gakaaraH puurvaruupam.h ..
akaaro madhyamaruupam.h .. anusvaarashchaantyaruupam.h ..
binduruttararuupam.h .. naadaH sa.ndhaanam.h ..
sa.nhitaasa.ndhiH .. saishhaa gaNeshavidyaa ..
gaNakaR^ishhiH .. nichR^idgaayatriichchha.ndaH ..
gaNapatirdevataa .. AUM ga.n gaNapataye namaH .. 7..

               .. gaNesha gAyAtrI ..

ekada.ntaaya vidmahe . vakratuNDaaya dhiimahi ..
tanno da.ntii prachodayaat.h .. 8..

               .. gaNesha ruupa ..

ekada.ntaM chaturhastaM paashama.nkushadhaariNam.h ..
radaM cha varadaM hastairbibhraaNaM muushhakadhvajam.h ..
raktaM laMbodaraM shuurpakarNakaM raktavaasasam.h ..
raktaga.ndhaanuliptaa.ngaM raktapushhpaiH supuujitam.h ..
    bhaktaanukaMpinaM devaM jagatkaaraNamachyutam.h ..
    aavirbhuutaM cha sR^ishhTyaadau prakR^iteH purushhaatparam.h ..
    evaM dhyaayati yo nityaM sa yogii yoginaaM varaH .. 9..

               .. ashhTa naama gaNapati ..

namo vraatapataye . namo gaNapataye . namaH pramathapataye .
namaste.astu laMbodaraayaikada.ntaaya .
vighnanaashine shivasutaaya . shriivaradamuurtaye namo namaH .. 10..

               .. phalashruti ..

etadatharvashiirshhaM yo.adhiite .. sa brahmabhuuyaaya kalpate ..
sa sarvataH sukhamedhate .. sa sarva vighnairnabaadhyate ..
     sa pa.nchamahaapaapaatpramuchyate ..
saayamadhiiyaano divasakR^itaM paapaM naashayati ..
praataradhiiyaano raatrikR^itaM paapaM naashayati ..
     saayaMpraataH prayu.njaano apaapo bhavati ..
     sarvatraadhiiyaano.apavighno bhavati ..
     dharmaarthakaamamokshaM cha vi.ndati ..
     idamatharvashiirshhamashishhyaaya ne deyam.h ..
     yo yadi mohaaddaasyati sa paapiiyaan.h bhavati
     sahasraavartanaat.h yaM yaM kaamamadhiite
     taM tamanena saadhayet.h .. 11..

anena gaNapatimabhishhi.nchati sa vaagmii bhavati ..
chaturthyaamanashnan.h japati sa vidyaavaan.h bhavati ..
ityatharvaNvaakyam.h .. brahmaadyaacharaNaM vidyaat.h
     na bibheti kadaachaneti .. 12..

yo duurvaa.nkurairyajati sa vaishravaNopamo bhavati ..
yo laajairyajati sa yashovaan.h bhavati ..
sa medhaavaan.h bhavati ..
yo modakasahasreNa yajati
    sa vaaJNchhita phalamavaapnoti ..
yaH saajyasamidbhiryajati
    sa sarvaM labhate sa sarvaM labhate .. 13..

ashhTau braahmaNaan.h samyaggraahayitvaa
suuryavarchasvii bhavati ..
suuryagR^ihe mahaanadyaaM pratimaasa.nnidhau
vaa japtvaa sidhama.ntro bhavati ..
mahaavighnaatpramuchyate .. mahaadoshhaatpramuchyate ..
mahaapaapaat.h pramuchyate ..
sa sarvavidbhavati sa sarvavidbhavati ..
ya evaM veda ityupanishhat.h .. 14..

		.. shaanti ma.ntra ..

AUM sahanaavavatu .. sahanaubhunaktu ..
saha viirya.n karavaavahai ..
tejasvinaavadhiitamastu maa vidvishhaavahai ..

AUM bhadraM karNebhiH shR^iNuyaama devaaH .
bhadraM pashyemaakshabhiryajatraaH ..
sthiraira.ngaistushhTuvaa.nsastanuubhiH .
vyashema devahitaM yadaayuH ..

AUM svasti na indro vR^iddhashravaaH .
svasti naH puushhaa vishvavedaaH ..
svastinastaarkshyo arishhTanemiH .
svastino bR^ihaspatirdadhaatu ..

AUM shaa.ntiH . shaa.ntiH .. shaa.ntiH ...

.. iti shriigaNapatyatharvashiirshhaM samaaptam.h ..

##